ملتان۔18اکتوبر (اے پی پی)وزیرخارجہ مخدوم شاہ محمودقریشی آکھیا جو بلاول بھٹو اپنڑے بیانات نال بھارت دے بیانیے اچ سانجھے دار بنڑدے پئن ،انہاں کوں اینویں نی کرنڑاں چاہیدا،بلاول کشمیریاں کوں مایوس نہ کرن اتے انہاں دی جدوجہد کوں دھکا نہ ڈیون،پاکستان کشمیریاں نال اے،اساں ہک سال اچ ترائے واری سلامتی کونسل اچ کشمیر دے مسئلہ چاتے جیڑھا جو ماضی اچ پچھوں چلیا گئیا ہئی ،اے گالھیں انہاں اتوار کوں ملتان اچ پریس کانفرنس نال خطاب کریندیں ہوئیں آکھی۔وزیرخارجہ آکھیا جو بلاول بھٹو گوجرانوالہ دے جلسے اچ کشمیر دا ذکر کریندیں ہوئیں آکھیا ہئی جو پاکستان کشمیر تے چپ اے۔انہاں آکھیا جو بلاول جیڑھے آرٹیکل 370دی گالھ کریندے پئن اوندے اساڈے نیڑے پہلی وی کوئی وقعت کائنا ہئی اتے میں جنیوا اچ اے مسئلہ چاتے،اساں سلامتی کونسل اچ وی کشمیریاں دے حقوق دی گالھ کیتی اے۔وزیرخارجہ آکھیا جو بلاول بھٹو اپنڑے بیانات نال بھارت دے بیانیے اچ سانجھے دار بنڑدے پئن ،انہاں کوں اینویں نی کرنڑاں چاہیدا،بلاول کشمیریاں کوں مایوس نہ کرن اتے انہاں دی جدوجہد کوں دھکا نہ ڈیون۔
اپوزیشن نظام دے خلاف سازش کریندی پئی اے،وزیرخارجہ داملتان اچ پریس کانفرنس نال خطاب
مضمون کا ماخذ : سپر اسپنر
متعلقہ مضامین
