اسلام آباد ۔ 3 ستمبر (اے پی پی) اقتصادی اموردے وفاقی وزیر مخدوم خسرو بختیار آکھیے جو ایشیائی ترقیاتی بینک دے منصوبے پاکستان دے ترقیاتی ایجنڈے دا اہم حصہ ہین،ایشیائی ترقیاتی بینک دے منصوبیاں دی ویلھے تے تکمیل تئیں سہ فریقی جائزہ اجلاس جاری رہسن۔اے گالھ انہاں پاکستان اچ ایشیائی ترقیاتی بینک دے منصوبیاں بارے جائزہ اجلاس نال خطاب کریندے آکھی۔اجلاس اچ ایشیائی ترقیاتی بینک دی پاکستان چ کنٹری ڈائریکٹر، ڈپٹی چیئرمین پلاننگ کمیشن اتے چارے صوبیاں دے متعلقہ اداریاں دے سربراہان شرکت کیتی۔اجلاس اچ ڈسایا گئے جو صوبیاں اچ ایشیائی ترقیاتی بینک دے جاری منصوبوبیاں دا حجم 2.4 ارب ڈالراے۔ اقتصادی اموردے وفاقی وزیر مخدوم خسرو بختیارمتعلقہ اداریاں کوںایشیائی ترقیاتی بینک دے منصوبیاں تے کم تیکھا کرنڑ دی ہدایت کیتی۔
مضمون کا ماخذ : خون چوسنے والے II
