اسلام آباد۔11مارچ (اے پی پی) وزیر اعظم عمران خان آکھیا جو انصاف اتے قانو?? دی عملداری دے بغیر ریاستاں دا شیرازہ کِھنڈ ویندے، خمیس کوں آپݨے ٹویٹ اچ وزیراعظم آکھیاجو اساݙے نبی کریم صلی اللہ علیہ وسلم فرمایا جو تساں توں پہلے کئی قوماں ایں سانڳے تباہ تھی ڳئی ہن کیونجو انہاں اچ طاقتور سانڳے ہک انڄ قانون اتے کمزور سانڳے ݙوجھا قانون ہئی۔ انہاں آکھیا جو تاریخ گواہ اے جو ریاستاں اخلاقی زوال اتے بے ایمانی پاروں تباہ تھین کیونجو اخلاقی طاقت دے بغیر کوئی ریاست آپݨے شہریاں کوں انصاف نی ݙے سڳدی۔ انہاں آکھیا جو سینیٹ دے اڄوکے انتخابات دے نشابر کریندن جو کینویں اساں اخلاقی سمت ونڄا ݙتی اے۔ وزیراعظم آپݨے ٹویٹ اچ امریکا دے سابق چیف آف سٹاف جنرل ڈگلس میک آرتھر دا قول شیئر کیتا جئیں اچ انہاں آکھیا جو تاریخ اچ ایجھی ہک وی مثال نی ملدی جئیں اچ اخلاقی زوال دا شکار تھیوݨ آلی قوم سیاسی اتے اقتصادی زوال اچ نہ پئی ہووے۔
