اسلام آباد ۔ 9 اپریل (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو پاکستان دے 152 ہسپتالاں اچ طبی ساز و سامان پجا ڈتا گئے ، پاکستان اچ ہنڑ تئیں کورونا وائرس توں متاثر مریضاں دی تعداد چار ہزار 322 اے، 572 لوک صحت یاب تھی گئن۔ انہاں آکھیے جو 44 ہزار 852 ٹیسٹ ہنڑ تئیں پورے ملک اچ کیتے گئن کورونا وائرس توں بچنڑ دی حفاظتی کٹس دا غیر ضروری استعمال تھیندا پئے ۔ انہاں آکھیے جو ڈاکٹر اتے طبی عملے کوں حفاظتی ہدایات تے عمل کرنڑاں چاہیدے ۔ ڈاکٹر ظفر مرزا آکھیے جو پاکستان اچ 63 لوک جان دی بازی ہر گئن تے انہاںلوکاں اچ 85 فیصد لوک او ہن جنہاں دی عمر 50سال توں ودھ ہئی انہاں اچ کوئی نہ کوئی بیماری ہئی ۔ انہاں آکھیے جو این 95 ماسک، حفاظتی کٹس اتے گلاسز اتے بیا سامان شامل اے 152 ہسپتالاں کوں ہک ہفتے دا حفاظتی سامان روانہ کر ڈتا گئے ۔ انہاں آکھیے جو حفاظتی سامان دی فراہمی کیتے 400 توں ودھ ہسپتالاں دی فہرست تیار کیتی اے ۔کورونا وباءتوں بچنڑ کیتے اساکوں بہوں احتیاط کرنڑ دی ضرورت اے ۔انہاں ڈسائے جو مقامی طور تے وی وینٹی لیٹرز دی تیاری کیتے حکومت ہر ممکن اقدامات کریسی۔ انہاں آکھیے جو 24 گھنٹے اچ 2 ہزار 737 ٹیسٹ کیتے گئن جیں اچوں 248 مریض کورونا توں متاثر ہن۔ انہاں ڈسائے جو آزاد جموں و کشمیر اچ 9 مریضاں دا ودھارا تھئے ، گزریل 24 گھنٹے اچ بلوچستان اچ 6، گلگت بلتستان اچ ہک ، اسلام آباد اچ 10، کے پی اچ 31، پنجاب اچ 141 اتے سندھ اچ 50 مریض ودھ گئن ، صحت 572 تھئن تے گزریل 24 گھنٹے اچ 105 مریض مکمل طورتے صحت یاب تھی گئن ۔
پاکستان دے 152 ہسپتالاں اچ طبی ساز و سامان پجا ڈتا گئے ، پاکستان اچ ہنڑ تئیں کورونا وائرس توں متاثر مریضاں دی تعداد چار ہزار 322 اے، 572 لوک صحت یاب تھی گئن ،ڈاکٹر ظفر مرزا دی میڈیا بریفنگ
مضمون کا ماخذ : bolão lotofácil
متعلقہ مضامین
