اسلام آباد ۔ 11 اکتوبر (اے پی پی) وزیر اعظم عمران خان جمعہ کوں ترک صدر رجب طیب اردوان کوں ٹیلی فون کیتا اتے پاکستان ولوں ترکی دے نال یکجہتی دا اظہار کریندے ہوئیں انہاں کوں تعاون دا یقین ڈیوایا۔ وزیر اعظم عمران خان آکھیا جو اوہ دہشت گردی بارے ترکی دے تحفظات کوں مکمل طور تے سمجھدن۔ انہاں آکھیا جو پاکستان دہشت گردی دے خلاف جنگ اچ70 ہزار توں ودھ جاناں دی قربانی ڈتی اتے کئی سالاں تئیں 30 لکھ توں ودھ پناہ گزیناں دا بھار برداشت کیتے۔ انہاں آکھیا جو پاکستان، ترکی جیندے 40 ہزار شہری دہشت گردی دی نذرتھی گن، کوںدرپیش خطرات اتے چیلنجزبارے جانڑدے۔ انہاں آکھیا جو پاکستان ہمیشہ آلی کار ترکی دے نال یکجہتی دا اظہار اتے مکمل تعاون دا یقین ڈیوندے۔ انہاں آکھیا جو میڈی دعا ہے جو ترکی، شام دی صورتحال دے پر امن حل اتے سلامتی تے علاقائی استحکام دی کوششاں کامیاب تھیونڑ۔ وزیراعظم آکھیا جوپاکستانی حکومت اتے عوام ترک صدر رجب طیب اردوان دے آندے مہینے دے دورہ پاکستان دے موقع تے انہاں دا شاندار استقبال کریسن ۔
وزیر اعظم عمران خان دا ترک صدر رجب طیب اردوان کوں ٹیلی فون ، پاکستان ولوں ترکی دے نال یکجہتی دا اظہار ،تعاون دا یقین ڈیوایا دہشت گردی بارے ترکی دے تحفظات کو ں مکمل طور تے سمجھدوں ،وزیر اعظم عمران خان
مضمون کا ماخذ : لاٹری نمبر کا انتخاب
متعلقہ مضامین
