ا??لا?? آباد۔24نومبر(اے پی پی) قومی اسمبلی اچ مسلم لیگ (ن) دے چیف وہپ ڈاکٹر طارق فضل چوہدری آکھیے انتشاری ٹولے دے احتجاج دی کال مکمل فلاپ تھی چکی اے احتجاج یا یلغار نال کہیں قیدی کوں چُھڑایا نی ونڄ سڳدا ، صوبے دے وزیراعلیٰ سرکاری وسائل اتے مشینری نال وفاق تے حملہ آور تھیندے پئن ، پاکستان ایں ویلھے تئیں ترقی نی کرسڳدا جݙاں تئیں سیاسی قیادت ھک میز تے نہ ٻہسی، اساں ڳالھ مہاڑ سانڳے تیار ہیسے لیکن تحریک انصاف انتشاری اتے فسادی سیاست کوں پروان چڑھاوݨ چاہندی اے ۔ پریس کانفر??س توں خطاب کریندے طارق فضل چوہدری آکھیے بانی پی ٹی آئی دے 24 نومبر دی کال ا??لا?? آباد تے حملہ آور تھیوݨ تے فتح کرݨ دی ہئی ۔ ایں ویلھے تئیں جاڑے شہراں اچ مکمل امن اے، کوئی احتجاج کائنی ایں ویلھے تئیں مکمل چُپ اے ، انھاں دے احتجاج دی کال مکمل ناکام اے، ایں قسم دی کالز ݙے تے کیا حاصل کرݨ چاہندن ، انھاں دے مقامی رہنما از خود پولیس کوں گرفتاریاں ݙیندے پئن ، ہݨ اے وی بہانہ بݨیندے پئن جو اساں آپݨا ہدف گھن ڳھدے ۔ ایجھے موقع تے ریڈزون سیل کرݨ معمول اے۔ انہاں آکھیے پی ٹی آئی دے احتجاج دا مقصد رستے ب??د کراوݨ ، معمولات زندگی اچ خلل پاوݨ ۔ حکومت دی ذمہ واری اے جو او شہریاں دے جان ومال دی حفاظت یقینی بݨاوے ۔ حکومت جاڑے شہراں دے رہائشیاں دی جان ومال دی حفاظت یقینی بݨاوݨ سانڳے اقدامات چاتن ، شہریاں دی زندگی اچ اوکھ پاوݨ انھاں دا مقصد ہئی ، آئینی حق دے استعمال توں جیڑھا انتشار اے کھنڈیندن ایں توں ا??لا?? آباد دے شہریاں دے آئینی حقوق متاثر تھیندن۔ طارق فضل چوہدری آکھیے احتجاج دی کال ݙیندے آکھیا ڳیا ہئی جو اساں بانی پی ٹی آئی کوں چھڑویسوں ، کیا ایویں ممکن اے جو ایویں انتشار توں کہیں کوں چھڑایا ونڄے ، ایجھا کم بنوں اچ دہشتگرداں کیتا ہئی جنہاں جیل بھن تے آپݨے ساتھی کڈھوائے ہن ۔ عمران خان وی عدلیہ دے ذریعے رہائی گھن سڳدن جیویں گزریل ہفتے ضمانت ملی وی اے ، او اپݨے قانون معاملات اتے قانونی ٹیم تے توجہ ݙیون ایہو انہاں دی رہائی دا رستہ اے۔ احتجاج نال 26 ویں آئینی ترمیم ختم نی تھی سڳدی بلکہ ایں سانڳے پارلیمان توں ہی آئینی اتے قانونی طریقے نال ترمیم گھن آئی ونڄ سڳدی اے تحریک انصاف دے احتجاج دی کال مکمل ناکام تھی چکی اے ہݨ اے بیان ݙیندے پئن جو ساݙا مقصد حاصل تھی ڳئے
انتشاری ٹولے دے احتجاج دی کال مکمل فلاپ تھی چکی اے ، احتجاج یا یلغار نال کہیں قیدی کوں چُھڑایا نی ونڄ سڳدا ، ڈاکٹر طارق فضل چوہدری دی پریس کانفرنس
مضمون کا ماخذ : آن لائن لاٹری ٹکٹ
متعلقہ مضامین
