اسلام آباد۔ 29 مئی(اے پی پی) مسلم لیگ (ن)دی رہنما اتے سابق وزیراعظم نواز شریف دی صاحبزادی مریم نوازآکھیے جو میڈا قصور اے ہے جو میں نواز شریف دی دھی ہاں ،نواز شریف کوں پریشان کرنڑ سانگے میکوں تنگ کیتا ویندا پئے ۔میں نواز شریف دی طاقت تے قوم دی دھی ہاں ،پاکستان دا سر ??ھکا کائناں تھیونڑ ڈیساں ۔ منگل کو ںپنجاب ہاﺅس اچ اپنڑے ??ال?? سابق وزیراعظم نواز شریف دے نال پریس کانفرنس اچ ا??تس??ب عدالت اچ ڈتا گیا بیان پڑھ تے سنڑیندے ہوئیں انہاں آکھیا جو گزریل ترائے ڈینھ میڈے جواب ا??تس??ب عدالت اچ ریکارڈ کیتے گن۔ میں تے ہک سوال ہا جو اے مقدمہ میں تے کیوں بنڑایا گیا ۔ایں سوال دے جواب عوام دے سامنڑے رکھیساں ۔انہاں آکھیا سپریم کورٹ دا جیرھا فیصلہ آیا انہاں ڈیہاں وی سوال تے ثبوت اوہے ہن ۔انہاں آکھیا پاکستان دی 70سال دی تاریخ اچ وطن عزیز کوں کہیں تریمت ،کہیں ماء،کہیں بھینڑ تے کہیں دھی کوں اتنی پیشیاں کائنی بھوگنڑیاں پیاں ۔انہاں آکھیا میڈا اے قصور اے کائنی جو میں بد عنوانی کیتی ،کہیں کرپشن اچ ملوث تھی ،کوئی چوری کیتی ،کوئی ڈاکہ ماریا ،میں تاں کہیں سرکاری عہدے تے فائز وی کائنی رہی ۔میڈا صرف اے قصور اے جو میں نوازشریف دی دھی ہاں ۔ انہاں آکھیا میڈا قصور اے وی ہے جو پاکستان دی بہادر اتے قابل فخر دھیریں وانگوں ڈٹ تے اپنڑے پیودے نال کھڑی ہاں ۔میڈا قصور اے وی ہے جو میں اپنڑے پیو کوں حق تے سمجھدی ہاں میڈاقصور اے وی ہے جو میڈے ??ال?? دے اعصاب تے دباﺅ پاتا ویندا پے ،منصوبہ ساز جانڑدن جو پیوتے دھی دا رشتہ کتنا نازک اے ۔انہاں دا خیال ہئی جو کہیں دباﺅ اچ نہ آونڑ آلے نواز شریف ہر جبر دے سامنڑے سینا تانڑں تے کھڑ ا تھیونڑ آلا نواز شریف ،تنی ہوئی بندوق دی چھاں اچ اعلان کرنڑ آلا نواز شریف ‘ جو گولی مارو میں استعفیٰ کائناں ڈیساں ۔ ساری دنیا دیاں دھمکیاں تے لالچ کوں ٹھ??را تے ایٹمی دھماکے کرنڑ آلا نواز شریف پوری جرت نال پرویز مشرف دے ظلم سہنڑ آلا نواز شریف ، سوچیا گیا تے منصوبہ بنڑایا گیا جو فولاد دا دل رکھنڑ آلا نواز شریف کوں صرف ہکے طریقے نال جھکایا ونج سگدے جو ایندی دھی تے مقدمے بنڑاﺅ تے ایندی دھی کوں جے آئی ٹی دے سامنڑے گھن آﺅ تے ایندی دھی کوں عدالتاں تے کچہریاں اچ گھیلو ۔ میڈا ایمان اے جو ساریں توں وڈی عدالت صرف اللہ دی عدالت اے او عدالت جتھاں کوئی وٹس ایپ کالز کائناں ویندیاں ‘ جتھاں کوئی جے آئی ٹی کائنی بنڑدی جتھاں کہیں گوہ دی ضرورت کائنی پوندی ۔میکوں یقین اے تساڈی عدالت فیصلہ ڈیندے ویلھے ایں وڈی عدالت کوں ضرور یاد رکھیسی ۔
کڈاہیں وی کہیں سرکاری عہدے تے فائز کائنی رہی ،میڈا قصور اے ہے جو نواز شریف دی دھی ہاں ،نواز شریف کوں پریشان کرنڑ سانگے میکوں تنگ کیتا ویندا پئے ،نواز شریف دی طاقت تے قوم دی دھی ہاں ، مریم نواز دی پریس کانفرنس
مضمون کا ماخذ : لاٹری نمبر کا انتخاب
متعلقہ مضامین
