اسلام آباد۔8نومبر(اے پی پی) چیئر??ین پاکستان کرکٹ بورڈ محسن نقوی آسٹریلیا دے خلاف ݙوجھے ون ڈے میچ اچ تاریخ ساز فتح تے قومی ٹیم کوں شاباش ݙتی ۔چیئر??ین پی سی بی محسن نقوی کھلاڑیاں اتے مینجمنٹ دے ناویں اپݨے تہنیتی پیغام اچ آکھیے سارے کھلاڑیاں کوں دلوں مبارخ ݙینداں، بائولرز حارث رئوف اتے شاہین شاہ آفریدی شاندار بائولنگ کرتے فتح اچ اہم کردار ادا کیتے جݙاں جو کپتان محمد رضوان عمدہ کیپنگ کریندے 6 کیچ وٹھئن صائم ایوب اتے عبداللہ شفیق ذمہ دارانہ بیٹنگ کرتے پاکستان کوں 9 وکٹاں توں کامیابی ݙیوائی، بہترین کارکردگی تے حارث رؤف ، شاہین شاہ آفریدی، محمد رضوان، صائم ایوب اتے عبداللہ شفیق تحسین دے مستحق ہیسے۔انھاں آکھیے کھلاڑیاں فیلڈ??گ، بائولنگ اتے بیٹنگ اچ شاندار کارکردگی ݙکھائی، آسٹریلیا جیھی مضبوط ٹیم کوں ایںدی سرز??ین تے شکست ݙے تے کھلاڑیاں قوم دے دل جت ڳھدن، آسٹریلیا دے خلاف وݙی جت تے کھلاڑیاں قوم کوں خوشیاں ݙتن ۔ محسن نقوی آکھیے کھلاڑیاں میدان اچ ٹیم ورک دا بہترین مظاہرہ کیتے اتے نتیجہ جت دی صورت اچ سامݨے آئے ، آسٹریلیا دے خلاف میچ اچ فتح توں کھلاڑیاں دا مورال ودھسی آندے میچ اچ وی چنڳی کارکردگی دا مظاہرہ کریسن ، امید اے قومی کرکٹ ٹیم دے کھلاڑی آوݨ آلے میچاں اچ بہترین پرفارمنس دا تسلسل بر??را?? رکھیسن۔
