اسلام آباد۔1نومبر(اے پی پی) قائمقام صدر سید یوسف رضا گیلانی پاکستان اچ گورننس بہتر بݨاوݨ سانڳے بین الاقوامی معیار اپناوݨ د?? لوڑھ تے زور ݙیندے آکھیے عوام کوں خدمات دی بہتر فراہمی سانڳے ڈیجیٹل گورننس ، ڈیٹا تے مبنی فیصلہ سازی اتے مصنوعی ذہانت کوں اپناوݨا ہوسی ۔ ایوان صدر دے پریس ونگ موجب قائمقام صدر سید رضا گیلانی نیشنل انسٹی ٹیوٹ آف پبلک ایڈمنسٹریشن کراچی دے 36ویں سینئر مینجمنٹ کورس دے شرکاء نال ملاقات اچ ڳالھ مہاڑ کریندے پئے ہن۔ انہاں آکھیے گورننس اچ بہتری سانڳے جدت اتے جدید ترین ٹیکنالوجی دے استعمال د?? لوڑھ اے ۔ انھاں آکھیے پاکستان کوں ٻہوں چیلنجز دا سامݨا اے ، پاکستان کوں معاشی مسئلیں، اُچے افراط زر، ودھدی آبادی، بے روزگاری، موسمیاتی تبدیلی اتے سماجی ناانصافی جیھے مسئلے ہن ، ملک کوں پیش آندے چیلنجز نال نبݨݨ سانڳے بیوروکریسی کوں فعال اتے تعمیری کردار ادا کرݨا ہوسی۔ انہاں آکھیےپاکستان کوں مستقبل دی سوچ رکھݨ آلی قوم دے طور ??ےعالمی سطح تے اجاگر کرݨا ہوسی ، پالیسیاں دے ث??رات ہر شہری تئیں پڄاوݨے ہوسن ،بیوروکریسی پاکستان دے مسئلیں دے چنڳے حل سانڳے سٹیک ہولڈرز نال مضبوط نیٹ ورک بݨاوے ، سرکاری ملازمین کوں مسئلے حل کرݨ ، جدت اپناوݨ، رہنما بݨݨ د?? لوڑھ اے ، بیوروکریسی ملک کوں موجودہ چیلنجز توں کڈھݨ اچ حکومتاں دی مدد کرے ، بیوروکریٹس عوامی خدمت دا رویہ اپنا??ن، سرکاری ملازمت سانڳے ہمدردی، عاجزی اتے ݙوجھے دیاں زندگیاں بہتر بݨاوݨ دی حقیقی خواہش د?? لوڑھ ہوندی اے ۔ قائمقام صدر تے چیئرمین سینیٹ سید یوسف رضا گیلانی آکھیے دنیا مسلسل بدلدی پئی اے ، سرکاری ملازمین کوں وی ارتقاء د?? لوڑھ اے ، سول سرونٹس علم حاصل کرن ، خود کوں جدید ترین مہارتاں نال آراستہ کرن ۔سرکاری ملازمین اخلاقی طرز ِحکمرانی اپنا??ن، عوام نال ہمدردی نال پیش آون،18ویں ترمیم اتے این ایف سی ایوارڈ دے بعد صوبیں کوں ودھ حقوق اتے فنڈزݙتے ڳئن ۔قائمقام صدر آکھیے ملک دے بہترین مفاد کوں سامݨے رکھیندے آئین اچ ترمیم کرݨ پارلیمنٹ دا استحقاق اے، پاکستان دشمن عناصر بلوچستان دی ترقی تے خوشحالی دے خلاف ہن ، دہشتگرد سرمایہ کاراں کوں پاکستان اچ سرمایہ کاری توں روکݨ دی دانستہ کوششاں کریندے پئن ۔ انھاں شرکا کوں آکھیے جݙاں میں وزیراعظم ہامی تاں اوں ویلھے آغاز حقوق بلوچستان دا آغاز کیتا ، عملدرآمد یقینی بݨایا ، بطور وزیر اعظم میݙے دور ??چ بلوچستان کوں زیادہ فنڈز تے رائلٹی ݙتی ڳئی ہئی۔
