راولپنڈی۔30اکتوبر(اے پی پی) روسی ??یڈریشن دے نائب وزیر دفاع کرنل جنرل الیگزینڈر وی ف??من نیول ہیڈکوارٹرز اسلام آباد دا دورہ کیتے تے نیول چیف ایڈمرل نوید اشرف نال ملاقات کیتی جیں اچ سانجھی دلچسپی دے پیشہ ورانہ امور، علاقائی میری ٹائم سیکیورٹی صورتحال تے ݙو پاسے بحری تعاون تے ڳالھ مہاڑ کیتی ڳئی ۔آئی ایس پی آر موجب نیول چیف دا آکھݨ ہئی جو پاکستان رشی?? فیڈریشن نال تعلقات کوں اہمیت ݙیندے تے لمبی مدت کثیر جہتی شراکت داری چاہندے ۔ ملاقات اچ ݙوہیں بحری افواج وچال ݙوطرفہ تربیت، بحری جنگی جہازاں دے دوریں تے ݙو طرفہ بحری مشقاں کراوݨ سودھے تعاون دے مختلف پہلوواں تے وی غور کیتا ڳئے ۔ ݙوہیں رہنماواں میری ٹائم سیکورٹی اتے بحری ٹیکنالوجی دے شعبیں اچ سانجھے تعاون کوں مزید تکڑا بݨاوݨ تے اتفاق کیتے۔روسی ??یڈریشن دے نائب وزیر دفاع خطے اچ میری ٹائم سیکیورٹی اچ پاک بحریہ دی مستقل کوششاں تے اُچے عزم ??ا اعتراف کیتے۔
