اسلام آباد ۔ 19 نومبر (اے پی پی) وزیراعظم عمران خان امریکی صدر ڈونلڈ ٹرمپ دے پاکستان بارے الزامات کوں مسترد کریندے ہوئیں آکھیے جو مسٹر ٹرمپ کوں پاکستان تے الزام لاونر توں پہلے اپ??ڑا ریکارڈدرست کر??ڑا چاہیدے،کوئی پاکستانی نائن الیون اچ ملوث کائنا ہا، ول وی پاکستان دہشت گردی دے خلاف امریکی جنگ اچ رلیے،کوئی بیا ملک یا اتحادی اینجھا ہے جئیں اینجھیاں قربانیاں ڈتی??ں ہوون؟اپنڑیاں ناکامیاں تے پردہ پاونڑ اتے پاکستان کوں قربانی دا بکرابنڑاونڑدی بجائے امریکا سنجیدگی نال اے ڈیکھے جو اتنے وڈے وسائل دے باوجودافغانستان اچ اج طالبان پہلے توں ودھ مضبوط ہین۔امریکی صدر ڈونلڈ ٹرمپ دے ”فاکس نیوز“ تے چلنڑ آلے انٹرویو دے جواب اچ ٹوئیٹ کریندے ہوئیں وزیراعظم عمران خان دا آکھنڑ ہا جو نائن الیون توں بعد پوکستان کوں دہشتگردی دے خلاف جنگ اچ 75 ہزار افراد دا جانی اتے 123 ارب ڈالر توں ودھ دا معاشی نقصان چاو??ڑا پئے جڈاں جو ایندے بدلے امریکی امداد صرف 20 ارب ڈالر ہئی۔وزیراعظم واضح کیتے جو الزام لاونڑ دی بجائے امریکہ کوں ایں گالھ دا سنجیدگی نال جائزہ گھ??ڑا چاہیدے جو ہ ل لکھ 40 ہزار نیٹو افواج سودھی ڈھائی لکھ افغان افواج نال ہوونڑ اتے ہک ٹریلین ڈالر خرچ کرنڑ دے باوجود افغانستان اچ اج طالبان پہلے توں ودھ مضبوط ہین، ساڈے قبائلی علاقے تباہ تھین،لوکاں کوں گھر بار چھوڑنا پئے۔ انہاں آکھیا جو پاکستان زمینی اتے فضائی مواصلات دی فری لائنز مسلسل ڈیندارہے۔انہاں پچھیا!کیا مسٹر ٹرمپ کہیں بئے اینجھے اتحادی ملک دا ڈسا سگدن جئیں اینجھیاں قربانیاں ڈتی??ں ہوون؟وزیراعظم اے ٹویٹس 18 نومبر کوں امریکی صدر ڈونلڈ ٹرمپ دے ”فاکس نیوز“تے انٹرویو توں بعد جاری کیتن جیندے اچ ٹرمپ الزام لایا ہا جو پاکستان امریکا کیتے کجھ نئیں کیتا۔ ٹرمپ پاکستان کوں کروڑاں ڈالر دی امریکی فوجی امداد روکنڑ دے امریکی انتظامیہ دے فیصلے داوی دفاع کیتا ہا۔
امریکی صدر ڈونلڈ ٹرمپ پاکستان تے الزام لاونڑ توں پہلے اپنڑا ریکارڈ درست کرن، وزیراعظم عمران خان
مضمون کا ماخذ : لوٹیریا وفاقی
متعلقہ مضامین
