اسلام آباد ۔ 19 مارچ (اے پی پی) صدر مملکت ڈاکٹر عارف علوی اپیل کیتی اے جو قوم کورونا وائرس دے چیلنج نال نبڑن کیتے تیار تھیوے،شہری اپنڑی وی حفاطت کرن اتے بنھاں دا وی ہتھ ونڈاون۔ہک سوشل میڈیا سنیہے اچ صدر مملکت آکھیے جو کورونا دے خلاف جنگ اچ باقی ہر گالھ ثانوی اے،ایندا مقابلہ ہر گھر اتے ہر خاندان کرنڑے،لوک اپنڑی وی حفاظت کرن اتے بنھاں دے وی بانھ بیل بنڑن۔انہاں سیستداناں توں اپیل کیتی اے جو اواختلافات بھلا ڈیون جڈاں جو علماءکرام اتے میڈیا وی احتیاط اتے آگاہی دا سنیہا ڈیوے۔انہاںا ٓکھیے جو میں سارے وزرائے اعلیٰ کوں ضروری انتظامات دا آکھیے۔
مضمون کا ماخذ : کڑک
