بیجنگ۔ 8 اکتوبر (اے پی پی) وزیراعظم عمران خان آکھیے جو پاکستان سرمایہ کاری کیتے محفوظ ترین ملک اے، معاشی اصلاحات پاروں سرمایہ کار پاکستان اچ دلچسپی گھندے پن ،چین دے نال آزادانہ تجارت دا معاہدہ کرنڑ ویندے پیوں، چین پاکستان اقتصادی راہداری دے مسئلے حل کرنڑ کیتے سی پیک اتھارٹی قائم کیتی گئی اے ،گوادر بندرگاہ سی پیک منصوبیں دی بنیاد اے ،پاکستان اچ سیاحت دے شعبے اچ ترقی دے بہوں سارے موقع موجود ہن اساکوں گھراں دی قلت دا سامنڑاں اے ،5 سال اچ 50 لکھ گھراں دے منصوبے تے کم کریندے پیوں، حکومت غیر ملکی سرمایہ کاراں کوں آزاد ویزے دی سہولت ڈتی اے ، چاہندوں جو سرمایہ کار پاکستان آون منافع کمان۔اے گال انہاں عالمی تجارت دے ودھارے کیتے قائم چائنا کونسل دے اجلاس نال خطاب کریندے ہوئیں آکھی اے ،وزیراعظم آکھیا جو چین دے 70ویں قومی ڈینھ تے مبارخ باد پیش کریندوں ،پہلے چین پاکستان توں سکھیے ہنڑ پاکستان چین توں سکھدا پئے ،اساکوں چین توں اے سکھنڑ دی ضرورت اے جو انہاں قوم کوں کیویں غربت اچوں کڈھیے ،انہاں آکھیا جو چین دنیا اچ تکھے ترقی کرنڑ آلا ملک اے تے چین گزریل پنج سال اچ کرپشن مکاونڑ کیتے وزارتی سطح تے 400 لوکاں کوں سزا ڈے تے جیلاں اچ پاتے ،اساں وی بد عنوانی لوکاں دے خلاف ایجھیاں کاروائیاں کرنڑ چاہندوں لیکن نظام سست اے ،سرخ فیتے دی رکاوٹ وی کرپشن دی وجہ توں تھیندی اے ۔امید اے صورت حال بہتر تھی ویسی ۔انہاں آکھیے جو چین 30 سالاں اچ 70 کروڑ لوکاں کوں غربٹ اچوں کڈھیے ،کرپشن ملکاں دی ترقی اچ وڈی رکاوٹ اے چین کرپشن دے خلاف کامیابی حاصل کیتی اے ،پاکستان اچ کرپشن مکاونڑ اچ کجھ وقت لگسی ۔ وزیراعظم آکھیا جو ملک اچ سرمایہ کاری نہ آونڑ دی ساریں توں وڈی وجہ کرپشن اے تے چین دی کمیونسٹ پارٹی دیاں کامیابیاں توں سکھدے پیوں ۔ پاکستان اچ امن و امان دی صورتحال بہتر تھئی اے ۔ چینی سرمایہ کاراں نال گال کرنڑ کیتے دورے تے آیاں ،پاکستان دی خواہش اے جو چین ٹیکسٹائل، آئی ٹی، فنانس، زراعت اتے سیاحت دے شعبیں اچ سرمایہ کاری کرے۔ انہاں آکھیا پاکستان اچ سونے اتے تانبے دے وسیع ذخائر موجود ہن۔ انہاں آکھیے چاہندوں جو سرمایہ کار پاکستان آون منافع کمان ۔ایندے توں پہلے چائنہ کونسل برائے فروغ بین الاقوامی تجارت (سی سی پی آئی ٹی) آمد تے کونسل دے چیئرپرسن گاﺅ ژان وزیراعظم دا خیرمقدم کیتا۔
سرمایہ کاراں کیتے آسانیاں پیدا کیتن، خواہش اے جو چین پاکستان اچ ٹیکسٹائل، آئی ٹی، فنانس،گھراں دی تعمیر، زراعت تے سیاحت دے شعبیں اچ سرمایہ کاری کرے، چین دے نال آزادانہ تجارت دا معاہدہ کرنڑ ویندے پیوں ، وزیراعظم عمران خان دا چائنا کونسل دے اجلاس نال خطاب
مضمون کا ماخذ : کڑک
متعلقہ مضامین
